TrawsCymru
Mae TrawsCymru yn rhwydwaith o wasanaethau bws pellter-hir ac yn rhan bwysig o rwydwaith trafnidiaeth gyhoeddus integredig Cymru.
Mae bysiau TrawsCymru yn cysylltu pentrefi, trefi, dinasoedd a chymunedau ar draws y wlad, gan gynnig dolen gyswllt trafnidiaeth gyhoeddus hanfodol i bobl leol ac ymwelwyr. Nod y gwasanaethau yw gwella mynediad i wahanol ardaloedd yng Nghymru, a’i gwneud yn haws i bobl deithio i’w gwaith, ar gyfer hamdden, neu unrhyw reswm arall heb ddibynnu ar gerbydau preifat. Mae bysiau TrawsCymru yn ddewis cost-effeithiol ac eco-gyfeillgar o deithio.
Fflecsi
Mae Fflecsi yn ffordd wahanol o deithio ar fws ac yn wasanaeth newydd, cyffrous gan Trafnidiaeth Cymru mewn partneriaeth â’ch gweithredwyr bysiau lleol.
Mae gwasanaeth Dyffryn Conwy ar gael chwe diwrnod yr wythnos, rhwng 06.30am a 7pm. Mae angen i chi archebu i gael eich casglu neu eich gollwng yn unrhyw le yn ardal y gwasanaeth.
Traveline Cymru
Gwasanaeth gwybodaeth am drafnidiaeth gyhoeddus yw Traveline Cymru, a ariennir gan Lywodraeth Cymru. Trwy’r wefan a’r ap, mae’n darparu gwybodaeth gynhwysfawr a chywir am drafnidiaeth gyhoeddus i hwyluso teithio ar draws Cymru. Mae Traveline Cymru yn gweithio mewn partneriaeth â gweithredwyr ac awdurdodau lleol i gynnig dewisiadau trefnidiaeth gyhoeddus ar fysiau a threnau ar draws Cymru, yn ogystal â llwybrau cerdded a beicio.
Mae Traveline Cymru yn adnodd dibynadwy i gael gwybodaeth am deithio, gan sicrhau y gall teithwyr ddarganfod trysorau diwylliannol, rhyfeddodau naturiol, ac atyniadau trefol Cymru, a chael ymweliad i’w gofio.
Sherpa’r Wyddfa
Mae Sherpa’r Wyddfa yn rhwydwaith o wasanaethau bysiau sy’n teithio o amgylch godre’r Wyddfa gan aros mewn sawl lleoliad ger y llwybrau i’r copa, yn ogystal â phentrefi, cyrchfannau twristaidd a’r prif feysydd parcio.
Mae’r bysiau wedi’u cynllunio i apelio at gerddwyr ac ymwelwyr, gan ei gwneud yn haws iddynt gyrraedd man cychwyn y llwybrau o amgylch yr Wyddfa. Mae’r gwasanaethau hyn yn boblogaidd iawn ymhlith y rhai sydd am grwydro tirweddau a llwybrau godidog Parc Cenedlaethol Eryri. Mae Sherpa’r Wyddfa yn helpu cerddwyr a thwristiaid i fwynhau harddwch naturiol yr ardal heb ddefnyddio car, gan gyfrannu at deithio cynaliadwy.
Ein newyddion diweddaraf
Detholiad o’n postiadau cyfryngau cymdeithasol diweddaraf – Yr holl newyddion
